Translate

miércoles, 25 de septiembre de 2013

Navegando entre clásicos



No pasado mes de agosto tivemos a oportunidade de participar no que, sen lugar a dúbidas, é o evento de referencia no que a barcos clásicos e de época se refire en Galicia.
Ata chegar a ser o que é pasou algún tempo e bastante traballo, pero coma sempre: todas as grandes viaxes comezan por un primeiro paso.

Navegando entre clásicos
Por: Lino Prieto




Algo de historia

No ano 2007 asistimos por primeira vez a unha regata de clásicos propiamente dita, tratábase da I Marin Yacht Classic, organizada polo CN de Beluso e co patrocinio da puxante Factoria Naval de Marín, ao ano seguinte volveuse a celebrar a proba, pero houbo un 2 sen 3 xa que o sector do metal comezaba a resentirse e fallou o patrocinio, o que coincidiu con un baixón na actividade do club organizador. 


 Tango e Mizar, Beluso 2007


Pingüino Uno e Miña Miniña, Beluso 2007


No 2008 o Club Náutico San Vicente do Mar solicitou a colaboración da Asociación de Amigos da Dorna Meca para organizar a súa I Regata de Clásicos, na que se pretendia dar cabida a veleiros desas características así como a embarcacións tradicionais, particularmente as de maior porte, por aquelo de que poideran “competir” unhas e outras. A regata de Beluso e a do Grove coincidiron no tempo, pero só a segunda se mantivo, a pesar do cambio de patrocinadores e esponsor.



 O Nuevo Sofía e A Meca, San Vicente 2008


 A Rabandeira, San Vicente 2008


VI edición

Este ano celebrouse a sexta edición acadando un gran éxito de participación e unha coidada organización. Foron 35 os barcos que se deron cita en Pedras Negras, unha vez máis na última fin de semana de agosto, para tomar a saída das dúas etapas que compoñen esta regata, así como para disfrutar das outras actividades que completan o programa nos 3 dias que abarca esta cita: asamblea da Agabace, homenaxe a Alfredo Lagos, exposición fotográfica (na que participo e tiven o gusto de inaugurar), concurso de fotografia...



 O Cyrene


 Tango




Cara á saída



Vela


Os franceses do YCC

Nos meses previos ao verán a Asociación Galega de Barcos Clásicos e de Época AGABACE, estableceu un vínculo de traballo co Yacht Club Classique de La Rochelle. Froito desta relación entre ambas entidades naceu o I Rallye La Baule-Galicia, no que unha flota de 8 velerios clásicos (máis 2 barcos de apoio) se achegou ás nosas augas, das que disfrutaron durante os 5 dias de estancia que se repartiron entre Aguete e San Vicente. Visitaron diferentes monumentos e lugares de interese no Grove, Cambados e Santiago, ademáis de participar tamén na VI Regata das Illas Atlànticas, o que lle dou un caracter de internacional a este evento.




 Rocquette


 Engalanados en Aguete




Proa do Kahyam


Dous dias de regatas

A primeira das probas tivo lugar o sábado, co sol arriba, moi arriba, deron a salida a un espectáculo de velas e fasquias  que en poucas ocaisóns se pode contemplar deste xeito. A flota virou cara a illa de Ons, collendo corso proa ao Sentulo para doblar no faro e adentrarse na ría de Pontevedra, onde o primeiro paso obrigado foi a baliza dos Pelados (diante do porto de Aguete) e o segundo o faro de Morrazán, para iniciar a ceñida cara a meta, en Sanxenxo. Estaba previsto vento fresco para toda a fin de semana e así foi, ao pouco de comezar a bolinar o Petán (un regata deseñado por William Fife de 1927) deunos un susto cando a arboladura completa lle saiu polo costado, quedando so unida ao casco polas escotas e o enrollador, non houbo danos persoais pero a manobra de remolque foi un tanto complicada e finalmente perderon palos e velas.




Avería no Petán


Petán e Miña Miniña


Entrando na ría de Pontevedra


Despois de un refrixerio en Sanxenxo, tivo lugar unha etapa “técnica”, feita a tino da chegada a este porto da primeira etapa da Todopoderosa Vuelta, e que consistiu non caste de exhibicións de barcos e manobras na contorna de Silgar. Ao remate: volta a San vicente para un pouco de recreo e gula dos sentidos.


 Escorando



 O Kahyam na popa do Cyrene



 Caza escota




 O Ránâ medíndose co Arosa X



Nocturne 



Xornada do domingo

O domingo seguia acompañándonos o vento intenso para a etapa das Illas Atlánticas, propiamente dita, que encheu de ambiente o mar de San Vicente. A primeira hora da tarde comezaban a entrar en porto os barcos para clausurar a regata coa entrega de premios e outros detalles a barcos e tripulacións.


O Bryell II chegando a Morrazán



O Casandra no Sentulo


Para os que queirades coñecer como quedou o podium aqui vos queda un enlace á noticia en Todogrove.



PD: É unha lástima non contar con algunha foto máis para ilustrar esta entrada, pero tivemos un problema coa tarjeta de memoria da cámara e só conservamos unhas 60 imaxes das mais de 300 que fixemos durante a fin de semana, o que non ten cabeza ten que ter pes.


texto e imaxe: Lino Prieto

lunes, 23 de septiembre de 2013

5º ANIVERSARIO

Setembro de 2008 - Setembro de 2013


A todos os seguidores,
moitas gracias

miércoles, 18 de septiembre de 2013

UNHA TARDE NO FREIXO

O verán esmorece e a nós tócanos reiniciar a actividade no blog para tentar facer máis levadeira a transición dos pés espidos, acostumados a un camiñar en "chancletas", para afrontar a entrada do outono que vai pedindo calzado axeitado para acomodarnos ao asfalto frío e a esas chuvias que non han tardar en aparecer.
Certo que aínda quedan as vendimas e que vai cair algunha que outra saída de navegación antes da invernaxe definitiva dos barcos, pero o paso do tempo é inevitable e antes de que nos decatemos, o chan estará cuberto de follas, os barriles cheos de viño novo e pronto andaremos polos loureiros a remomorar os días de verán roendo froitos enxoitos e se cadra algún que outro centolo. Pois eso, en boudeva pregamos velas, preparámonos para o outono ao abrigo das imáxenes que nos deixou esta tempada de navegación e empezamos, como non, polo Freixo, que albergou o XI Encontro de Embarcacións Tradicionais de Galicia, e facémolo a través da ollada de Aloia Ínsua na tarde de sábado navegando na dorna de tope A Muller de Balboas do Clube Mariño Salnés de Cambados.


Unha tarde no Freixo
sábado 13 de xullo
Tripulación: Rafa "O Gato", Jorge "Satélite", Isabel, Santiago (á caña), Aloia e Emilio e maís eu.
imáxenes: Aloia Ínsua 

O sábado pola tarde tivemos unha xornada de navegación moi agradable coa familia Insua-Avión que embarcaron con nós e tomaron estas imáxenes do mar do Freixo, cousa que agradecemos porque se non, non teríamos case ningunha imaxen para ilustrar esta estrada no blog.
Imos aló:




Aparellando:

Dorna "A Muller de Balboas". Clube Mariño Salnés. Cambados

Comentario dos de popa: "Mimá, cacho cú que está a votar o Gato"

Posta do pao na fogonadura

 Embarque:

 



 
Rafa "O Gato" recibe con elegancia e cortesía aos convidados

Preparando para saír:

Vela arriba

Navegamos para rebasar a bocana do porto






Temos pouco vento, pero suficiente para encher a vela



Cruzámonos con outras embarcacións:

Lancha do xeito. "Nova Marina". Réplica, a partir de pecio localizado en Caldebarcos, realizada na Escola Aixola. Na actualidade adscrita á Escola de Navegación Tradicional da Asociación Cultural Dorna. Illa de Arousa

Racú "O Laberco", feito do Asteleiro de Gerardo Triñanes



 Fasquías mediterráneas




Trainera da Escola Mar de Vigo


moitos barcos navegando ao lonxe:

















Os amigos portugueses presentes como sempre dende o primeiro Encontro alá polo 1993 en Ribeira



Galeón Illa de Cortegada. Asc. Rompetimóns. Carril

preciosas imaxenes dunha gamela coruxeira. Asociación Mar de Pedra de Cangas.



Galeón Rei do Mar. Illa de Arousa


Traíña "Pescadoira". Asociación Os Galos de Bueu


Buceta "María AD" do Clube do Mar de Ferrol navegando co vento de popa.

 Embarcacións procedentes do Pais Vasco. Unha imaxe xa habitual nos Encontros:

 





 e outras moitas tan habituais coma Santi dándolle á gaita: 

 
Dorna de Tope "Peza de Rabo" . Illa de Arousa


As vistas dende a Muller de Balboas:

Pola proa:

Cara Sur da Ría de Muros

















Pola pola








 



Polo costado:












      


E a tripulación:

Santiago á caña:

 





  


Jorge "Satélite"




Rafa "Gato"



                                                                                                                              
 

Aloia               Xaquin                           Santiago                     e     Emilio

Imos regresando a terra:






 




O Galeón "Luísa" do Clube A Reiboa de Combarro.


Dorna de Tope "A Lavandeira" da Asoc. Fasquía da Illa de Arousa.

 




Dorna xeiteira "A Jatiña" da Asoc. Amigos da Dorna de Portonovo.
 





 A Muller de Balboas tamén chegando ao seu atraque:









Xa amarrados despedímonos das visitas dunha xornada de lecer que se agradece cunhas cañas ben frescas a bordo. Saúdos a Isabel, a Emilio, a Santiago, por levar a caña e a Aloia polas fantásticas imáxenes que nos cedeo para esta entrada no boudeva.
Moitas gracias e ata sempre.




E nós ficamos a bordo da Muller de Balboas recibindo as visitas de amig@s mentres a noite nos caía enriba... ¡que ben se está nos barcos tomando un refrixeiro despois dunha tarde de navegación contemplando toda a flota amarrada!. Así o vivímos dende o teléfono mobil:











A Lavanqueira a carón do Búrbida











Remate: A tarde tranquila do sábado reflicte para min a esencia do XI Encontro. A pequena vila do Freixo tiña espacio sobradamente para albergar a toda a flota dun gran Encontro. Se cadra menos barulleiro que outros anos, pero en troque máis repousado e sen tanta estridencia. Estaba o fundamental que caracteriza un Encontro de Embarcacións Tradicionais de Galicia: unha vila con tradición mariñeira que nos acolleo con agarimo, unha abondosa representación do patrimonio marítimo flotante e un programa de actividades suficiente e adaptado a unha realidade económica dificil.
Noraboa e agradecementos á vila do Freixo e a Comisión Organizadora, coa FGCMF ao fronte, polo éxito da cita e por suposto a todas as tripulacións presentes.


Por último resaltar o esforzo do pequeno Clube Mariño Salnés para estar presente. Certo que na actualidade o protagonismo vai para todos eses barcarróns, esas inmensas fasquías arboladas con enormes panos que deixan desventadas e deslucidas ás pequenas embarcacións como a dorna A Muller de Balboas. Pero caldamente, sabemos do esforzo de moita xente acarrexando embarcacións ata o mar do Freixo atravesando a serra do Barbanza. Nós tamén tivemos o noso e o luns previo ao Encontro atopamos por fin un remolque despois de días na procura dun carro axeitado. Entre buscar o remolque, cargar a dorna e facer a viaxe, déronnos as tantas da mañán, despois tocou agardar a subida da marea para poder botala ao mar e deixala amarrada e finalmente regresar ata Cambados. Para entón eran as 5 da mañán e algún tiña que erguerse as 6 para ir traballar..., ousexa que non durmeo. E para traer a dorna de volta, máis ou menos o mesmo. En fin, inda que sabemos que se non estivésemos no Freixo ninguén se decataría, o Clube Mariño Salnés estivo presente e aportou o seu grao de area, se cadra pouca cousa comparado coa aportación doutras asociacións, pero para min xa é moito.

Por iso, noraboa e unha forte aperta a todos os membros que traballáchedes para que o Clube Mariño Salnés de Cambados estivese no XI Encontro. O Freixo 2013.